Songtext / Links


Musik und Text: Michael Voss / Ed Blue (2020)


Döt obe nöch bim Weiher uf denä Bänkli ganz us Holz

Sitzed jede Tag im Sommer vier alti Manne stolz

Mit’me Sixpack sinds am Spillä, Sidi Barani, Schieber, zviert

Chömed all an gliichä Platz, als wär er reserviert

Wenn d’sie frogsch, wa sie do tönd, lachets uuf und säged denn:


Zemä goh, zemä stoh,

zemä träge, was aim s’Läbe uferlait.

Zemä Freud ha, wenn’d Erfolg häsch, zemä truurä wenn’s nöd klappt,

zemä wiiter goh, dass kaine use ghait.


Sie sind zemä i de Schuel gsi, zemä Pfadi-Gruppe gfüert

Hend gemeinsam a de Uni chli Haschisch usprobiert

Sind go reise quer dor d’Welt, bis de Kontostand versait

Sind au hüt no nöch und do, so nöch wie’s jedi no vertrait

Wenn d’sie frogsch, wie so was goht, strahleds hell, und mer verstoht: